لائحہ عمل

ہم بخوبی جانتے ہیں کہ علمائے دین انبیاے کرام کے وارث ہیں۔ وراثت نبوت کا اولین تقاضا ہے کہ علماے کرام اپنے ایمان و عمل اور اخلاق و کردار میں اسلامی اوصاف کے حامل ہوں، اپنی شخصیت کو کر دار نبوت کے سانچے میں ڈھالیں، اور علمی و عملی دونوں میدانوں میں موثر و ممتاز بنیں۔

مرکزی جمعیت ابنائے قدیم کی ابتدا ہی سے یہ کوشش رہی ہے کہ ہر فرزند جامعہ ربانی عالم بن کر اپنی اور ملت کی دنیاوی فلاح اور اُخروی نجات کا ضامن ہو۔ جمعیت اپنے ارکان کو بیک وقت اصلاح ذات اصلاح امت، برادرانِ وطن میں ابلاغ دین اور خدمت خلق کے میدانوں میں سرگرم عمل دیکھنا چاہتی ہے۔

اسی تعلق سے یہاں چند راہ نما اصول پیش کیے جا رہے ہیں، جنھیں اپنا کر زندگی کو مثالی اور با مقصد بنایا جا سکتا ہے، اور تعلق باللہ کی لذت سے سرشار ہو کر دوسروں کو بھی اس سے آشنا کیا جا سکتا ہے، ان شاء اللہ۔